ВМРО-ДПМНЕ е против правната држава а доказ за тоа е што свесно ги кочи законите кои се важни за реформите во судството, порача вечерва пратеничката на СДСМ, Јагода Шахпаска во гостување на ТВ 24.
„ВМРО-ДПМНЕ не сака да се донесе Закон за ЈО по никоја цена, тие не сакаат ново законско решение кое ќе ги зајакне обвинителствата. Ние мора да испорачаме независно, департизирано судство кое ќе носи одлуки согласно законот, оттука не можам да ја сфатам опозицијата зошто го кочи Законот за академија за судии и јавни обвинители, закон на кој што поднесоа амандмани, влегоа како дополнет предлог во собрание на нивните амандмани сами си носат уште дополнителни амандмани се со една и единствена цел да со блокира Законот за академија на судии и јавни обвинители, посочи Шахпаска.
