Техничката министерка за труд и социјална политика денеска отиде дури до Крушево во паничен обид да ја манипулира јавноста, поточно, да лаже дека не ја злоупотребила функцијата и дека не ги прекршила Уставот и законите на Република Северна Македонија. Многу брзо се откри дека таа лаже, но набрзо потоа се испостави дека таа е склона со леснотија да оди од една злоупотреба во друга. Нејзиното скандалозно однесување, од првата минута по стапувањето на должност, далеку ги надминува границите на демократските стандарди, законот и Уставот.
Мизрахи како да се натпреварува со своите сопартијци од ВМРО-ДПМНЕ да предничи во кршењето на законот и злоупотребите. Изминативе два дена, се чини дека ѝ успева во тоа.
Службеното возило на техничката министерка е снимено во вечерните часови во Крушево, а од фотографиите објавени на социјалните мрежи се гледа која била целта на денешното патување, со службено возило и придружба, во недела попладне.
Служејќи се со добро познатите манири, својствени на режимот, со крајно арогантен и небрежен однос кон функцијата и кон јавните ресурси, како да не постои рамка за службените овластувања определени со закон, Мизрахи денеска спроведуваше типично партиска агенда. Користејќи службено возило, во неработен ден, таа врши пропаганда како во најгрдите денови на режимот. Уште едно ужасно потсетување на режимот.
Претходно, FRONTLINE.MK објави видео од „крушевскиот поход“ на техничката министерка Мизрахи со изјавата во која уште еднаш се обиде да ја излаже јавноста, како и фотографии што ја разобличува лагата на министерката. Во видеото може да се проследи и дел од изјавата на Министерот за надворешни работи, Никола Димитров кој побара оставка и одговорност од Мизрахи.
