Генералниот секретар на СДСМ во својот Фејсбук статус вели дека тие што се дрзнаа да го кочат напредокот на државата – изгубија. Николовски додава дека извршителот Мицкоски и неговиот шеф Груевски се поразени од пратениците, од народот, од СДСМ и од сите политички и граѓански сили кои и мислат добро на сопствената земја.
„Денес, кога правната држава е светост и светлост кон која се стремиме, да се дрзнеш да бидеш против правда, против европската иднина и против НАТО, не е ништо друго освен губитничка позиција.
Извршителот Мицкоски и неговиот шеф Груевски се поразени од пратениците, од народот, од СДСМ и од сите политички и граѓански сили кои и мислат добро на сопствената земја.
Огромното мнозинство во Собранието денес покажа дека иднината на земјата е поважна од партиските тактики.
Ги завршивме сите реформски задачи. ЕУ тоа го гледа и има одговорност за својот следен чекор кон Северна Македонија.
Пративме јасна порака дека мора да се стави крај на криминалните интереси. И назад нема. Ниту сега ниту во иднина. Државата мора да чекори со чесни, растеретени и политичари што влечат напред. Доста е од закани, калкулации и обиди за враќање назад. Чекориме за правда и за иднина!
Одиме на фер и демократски предвремени парламентарни избори.
Гордо стоиме пред граѓаните и бараме нов, чист и целосен мандат на 12 април.“, напиша Николовски.
