Вандалски чин во центарот на Прилеп од страна на насилници.
Вчера на плоштадот во Прилеп, локалниот клуб на младите од СДСМ (ЛК СДММ Прилеп) поставиле визуелна инсталација за социјалната помош на која може да се види висината на социјалната помош за време на режимот на Груевски и сега.
Како што може да се виде од фотографиите, претставени се чисти факти, обработени статистички податоци, без никакви провокации: 4.000 денари социјална помош во периодот од 2006 до 2016 година, 12.000 денари социјална помош во периодот од 2017 до 2019 година.
После неколку часа од поставувањето, вандали насилно ја уништиле инсталацијата.
Од Локалниот клуб на СДММ Прилеп велат дека тоа е направено во очај, безидејност и страв од фактите.
„Во тотална очајност и безидејност, свесни дека 11 години не направија ама буквално ништо во правец на подобрување на животот на социјалните категории на граѓани, на вандалите од криминалната партија не им преостана ништо друго освен да ја урнат визуелната инсталацијата која во центарот на Прилеп го прикажуваше растот на социјалната помош.“, известуваат од СДММ Прилеп
Младите од СДММ Прилеп велат дека со никаков чин на деструкција и вандализам, не може да се сокрие фактот дека социјалната помош во цели 11 години власт на ВМРО-ДПМНЕ изнесуваше 4.000 денари, а за само две и пол години СДСМ ја зголеми на 12.000 денари, односно ја покачи за 300% и додаваат дека граѓаните ги препознаваат чесните политики на СДСМ и искрената грижа за ранливите категории, затоа на следните избори ќе го потврдат правиот пат по кој се движиме.
Во видео прилогот е претставена подготовката на инсталацијата
Ј. Ѓ.
