Засега нема нов случај на заразен со коронавирус. Единствената пациентка којашто е позитивна на корона вирус е во добра општа здравствена состојба и се лекува на Клиниката за инфективни болести и фебрилни состојби во Скопје. Веќе втор ден нема температура, претпоставувам дека многу скоро ќе почне и закрепнувањето.
Негативни се резултатите на корона вирус кај двајцата пациенти, возачот на комбето и пациентот кој вчера со девојката побегнале од штипската болница. Нема податоци дека имаме заболени наши државјани, ниту пак наши државјани кои се во карантин и кои живеат во регионот на Северна Италија.
Утрово, на Инфективната клиника се јавила пациентка со знаци на респираторна инфекција, која патувала во критичниот регион во Северна Италија. Во земјава влегла на 26 февруари, без никакви симптоми. Изолирана е согласно процедурите и во текот на денот се чекаат резултатите.
Нема простор за паника. Апелирам до граѓаните да ги почитуваат препораките на Министерството за здравство за заштита од корона вирус.
