Челниците на ВМРО-ДПМНЕ слават роденден, спротивно на препораките за заштита од корона вирусот

ОВАА ИНФОРМАЦИЈА БЕШЕ ДЕМАНТИРАНА. ПРОЧИТАЈТЕ ПОВЕЌЕ ПОД ТЕКСТОТ. ДОКОЛКУ ИМАТЕ НОВИ ИНФОРМАЦИИ ВО ВРСКА СО ОВАА СОДРЖИНА, ВЕ МОЛИМЕ, ИСПРАТЕТЕ НИ ПОРАКА НА НАШИТЕ КОНТАКТИ. ВИ БЛАГОДАРИМЕ НА РАЗБИРАЊЕТО И ПОДДРШКАТА.

Лицемерието на челниците на ВМРО-ДПМНЕ се гледа на секој нивни чекор. На социјалните мрежи се појави фотографија од поранешниот директор на Секретаријат за европски прашања и потпретседателот на ВМРО-ДПМНЕ, Васко Наумоски, како го прославува својот 40 роденден во широко друштво.

Во позадина може да се види дека на прославата е присутен и претседателот на ВМРО-ДПМНЕ Христијан Мицкоски. Коментарите во врска со ова се:

„Важат ли препораките за избегнување на групни собирања и за челниците на ВМРО-ДПМНЕ, или тоа се однесува само за обичниот народ?

Едно кажува Мицкоски, друго прави?

Не ме гледај што правам, слушај што ти зборувам?“, велат коментаторите кои не можат да поверуваат дека и покрај сериозноста на ситуацијата со корона вирусот, челниците на ВМРО-ДПМНЕ слават родендени.

Оваа вест, добиена од читатели на Фронтлајн, истиот ден беше демантирана од ресторанот “Three” Bar&Kitchen. Фронтлајн ја објави истиот ден. 

ЛИНК до демантот од “Three” Bar&Kitchen.

ДОПОЛНУВАЊЕ, 7 април 2020: Наспроти уредното објавување на демантот, партиските ботови со недели се обидуваат да го дискредитираат интернет порталот Фронтлајн. Нивните обиди се неуспешни, бидејќи јавноста ја препознава определбата на Фронтлајн да објавува релевантни информации и содржини.

Нагласуваме, Редакцијата Фронтлајн беспоговорно го објави демантот и категорично тврди дека НЕМА МЕСТО ЗА ЛАЖНИ ВЕСТИ на овој портал. Грешки се можни, но тие во ниеден случај не се намерни. Овој текст остана на порталот, бидејќи без него, демантот би бил беспредметен и нејасен.

Редакцијата ги повикува сите свои читателки и читатели да продолжат со испраќање информации, коментари и фото/видео материјали со кои се разобличуваат лажните вести, дезинформации и говорот на омразата. Грешки се прават и се исправаат, но намерното искривување на фактите е НЕПРИФАТЛИВО!