Спасовски: Од утре полициски час, се забранува движење на населението во периодот од 21 до 06 часот. Вечерва на седница на Владата на Република Северна Македонија донесовме одлука за воведување најрадикални мерки со цел да го заштитиме здравјето на граѓаните од корона вирусот, напиша премиерот Оливер Спасовски на ФБ.
На денешната владина седница предложено државата да се задолжи 570 милиони евра за борба против Ковид 19. 400 милиони ќе бидат преку нова еврообврзница, 100 милиони од Светската Банка и 70 милиони од Меѓународниот монетарен фонд.
Хелсиншки комитет: Итно да се преземат мерки против отпуштања од работа додека трае кризата. Апелираме до работниците да не потпишуваат ништо без претходно да се консултираат со правник и/или адвокат. Правниот тим на Хелсиншкиот комитет е достапен за бесплатна правна консултација секој работен ден од 9.00 до 14.00 часот.
Економски совет: Во моментов е најважна финансиската поддршка на здравството. Како што соопшти владината прес-служба, премиерот Спасовски во завршниот дел од состанокот се заблагодари за укажувањата, насоките и препораките и рече дека Владата ќе биде целосно посветена да ги прифати и примени најсоодветните мерки за заштита на здравјето и безбедноста на граѓаните, како и за условите за одржување на економијата во оваа ситуација.
Корона вирус во светот: Над 301 000 заразени, повеќе од 12 000 мртви, над 93 000 излечени.
Црн ден во Италија: Дури 793 луѓе починале од корона вирус за 24 часа.
Филипче: Хуманитарни акции само за хронично болните кои не се ризични. Одговорајќи на новинарски прашања на денешната прес-конференција, министерот информира дека веќе е одржан состанок со директори во ГОБ „8 Септември“ околу адаптирањето на дел од болницата за преземање пациенти. Министерот за здравство информира дека во овој момент се подготвени околу 500 кревети, а најави дека во следниот период ќе се обезбедат уште. Според експертите со кои денеска разговарале, ова треба да биде последна фаза во пристапот на лекување на пациентите и има други механизми по кои можат да се третираат пациентите.
