Ние, епидемиолозите и инфектолозите, сме 24 часа на терен, нема потреба од паника или страв, доволно е еден телефонски повик и ние ќе дојдеме за контрола. Затоа, за да нѝ ја олесните работата нам а себеси опасноста, останете дома и почитувајте ги владините мерки рече вели епидемиологот Едита Рамизи, а директорката на кумановската болница рече дека оваа болница е во состојба да се соочи со било каква ситуација која може да произлезе од коронавирусот, пишува „Порталб.мк.“
„Јас и сите мои колеги веќе долго време сме постојано зафатени по 24 часа како на телефон така и во клиниката. Поради тоа, ние сме овде за да помогнеме, да не дозволиме состојбата да ескалира и сигурна сум дека ова нема да се случи. Затоа, паниката во вакви случаи не прави ништо освен што го отежнува периодот на домашна изолација и често пати има контраефект. Народот сега ја има целосната комоција да седи дома со најблиските, притоа без да се загрозат ниту себе си ниту луѓето околу нив. Исклучително значајно е владините мерки да бидат сфатени сериозно и истите да се почитуваат, бидејќи само на тој начин ќе успееме”, вели Рамизи.
Снежана Захариева, директорката на кумановската болница за потврди дека оваа болница е подготвена со сите потребни средства за борбата што и се заканува со коронавирусот, таа додаде дека до овие моменти во Куманово нема заразени со овој вирус.
“До овие моменти додека зборуваме, за среќа, во Куманово немаме ниту еден случај на заразени со коронавирусот. Моментално ги чекаме резултатите на неколку лица кои се тестираа, бидејќи допатувале од земјите на Европската Унија. Кумановската болница е во состојба да се справи со секоја ситуација, имаме две соби за изолација и десетици други што можат да се користат во случај на потреба, нашите лекари се опремени со сите потребни средства за заштита од вирусот, имаме 1 респираторен апарат. Во контакт сме со одделот за инфективни болести и епидемиолозите 24 часа секојдневно и соработуваме за секоја потреба. Наместо паника, апелирам за одговорно однесување” рече директорката на кумановската болница, Снежана Захариева.
Извор: МЕТА
