18: Ниедна инхалација не спасува од корона вирус, луѓето во контролирана изолација не треба да бидат стигматизирани, сите се борат против Ковид 19, ДПМНЕ шири лаги

Петровска: Не поддржувам објавување список на оние во контролирана изолација, тие луѓе не треба да бидат стигматизирани. Вирусот може да се победи само со нашето однесување, со контролирана изолација, избегнување на непотребни излегувања и почитување на протоколи и препораки што со еден збор се вика дисциплина, вели во обраќањето градоначалничката на Општина Битола, Наташа Петровска, град во кој денеска беше регистриран првиот заболен пациент од корона вирус.

Сарачини: Во Битола, структури на мвро-вмро шират страв и омраза кон луѓето во карантин. И не е само во Битола. Во секој град и село, има по некој што сака „чиста“ Македонија. Од „Шиптари“, „Цигани“, „мусличи“, емигранти…А богами, и од „коронаши“. Макар и да се „наши“.

СДСМ: Сите се борат против корона вирусот, само Мицкоски шири лаги од белиот дворец. Очигледно, ништо не е променето во ВМРО-ДПМНЕ. Тоа е истата деструктивна партија која во клучни моменти за државата, за граѓаните, нема никаков предлог, нема став и секогаш е на спротивната страна.

Економскиот совет одржа втор состанок со цел разгледување на дополнителен пакет мерки за справување со последиците по економијата.

МНР организираше нови чартер летови за враќање на македонски граѓани од Словенија и Германија. Од Словенија направена е репатријација на 126 лица, кои пристигнаа на скопскиот аеродром и се упатуваат во задолжителен државен карантин. Во попладневните часови ќе бидат вратени наши граѓани од Минхен, а за утре се предвидени два лета од Берлин и Келн/Бон, соопштија од МНР.