Според најновите податоци, во светот досега се регистрирани 1.002.251 лицa заразени со корона вирус. Од нив починати се 51.356, а оздравеле 210.199 луѓе.
-Воената команда на НАТО во Европа ќе се придружи во напорите за спречување на епидемијата од Ковид-19. Тоа го соопшти генералниот секретар на Алијансата, Јенс Столтенберг по денешната средба со видео-врска на министрите за надворешни работи на НАТО.
– Вкупниот број на заразени со новиот корона вирус во Турција е 18.135 луѓе, 365 се починати. Денеска рекорд – 79 починати од вирусот.
– Португалскиот Парламент гласаше за продолжување на вонредната состојба за 15 дена поради корона вирусот.
– Претседателот на Австрија Александер ван дер Белен ги повика Австријците да издржат во борбата со пандемијата.
– Во Канада има повеќе од 10.000 заразени од корона вирус, а смртноста е зголемена за 21% – вкупно 217 починати.
