Во денови кога се очекува пикот на заразени од корона вирусот, здравствените авторитети и надлежните владини претставници се обидуваат да ги елиминираат ризиците од создавање нови жаришта на болеста. Еден од успешните механизми за тоа е спречување масовни собири. И тоа се мерки кои треба секој граѓанин да ги почитува, особено оние кои си преземаат или сами си наметнуваат улога на лидери во некоја избрана заедница.
За жал, изминатите месец дена, колку што интензивно се бориме со коронавирусот во државата, се покажа дека одредени лица се позаинтересирани да жнеат дневно-политички поени наместо да дадат свој личен придонес во борбата со COVID-19.
Еден од нив е лидерот на локалниот огранок на ВМРО-ДПМНЕ во Штип, како и кандидат за пратеник на истата партија во ИЕ 3. Изминатите неколку недели Иван Јорданов не прибира оружје со кое ги напаѓа обединетите сили за институционално справување со пандемијата. Целите на неговите напади варираат од Клиничка болница Штип, преку Општината, министерства кои и самиот не ги именува. Заедничко за сите овие напади е што истите лесно се отфрлаат преку проста аргументација и претставување на вистинската слика, преку разобличување на пласираните лаги. Се разбира, истите не се за потценување, затоа што со создавањето лажна слика успеваат да изманипулираат одредена група граѓани и да создадат непотребна паника во мигови кога токму тоа го отежнува процесот на заздравување.
Последниот потег на овој локален вмровски водач е загрижувачки од повеќе аспекти. Не само што со него нуди лажна лична слика со која засилува застарени и назадни наративи, туку и директно ги напаѓа предложените мерки за подолго траење на полицискиот час во викендот кој ни претстои.
Во последното негово јавно обраќање на приватниот Фејсбук профил, Јорданов се обидува да се претстави себеси како голем верник, при тоа објавувајќи по кој знае кој пат фотографии од негова фотосесија во верски објекти со која треба да нѐ убеди дека е посветен христијанин. Тој меша вера со општествени уредувања, минато со иднина, само со цел да го стави полицискиот час како штетен во контекст на прославата на Велигден.
Неговата објава е дегутантна од повеќе причини.
Имено, вистинските верници не дефилираат со своите религиозни практики на социјалните мрежи. Тие не ја доживуваат верата како социјален статус, уште помалку како алатка за политичка борба. А, токму тоа Јорданов го прави веќе подолг период.
https://www.facebook.com/ivan.jordanov.73/posts/10219602174436762
Вистинските верници знаат дека верата и верските практики не се врзани за локацијата на храмовите. „Подели на две парче дрво; Јас сум таму. Подигни камен и таму ќе ме најдеш,” пишува во Евангелието според Тома, што укажува дека и во религиозните текстови, кои содржат изреки кои се припишуваат директно на Исус, практикувањето на религиозните обреди не се строго врзани со храмовите и црквите. Ама, за Евангелија и религиозни списи овој „верник манекен“ не читал и не знае.
https://www.facebook.com/ivan.jordanov.73/videos/10219471148601198/
Дегутантни се и не толку прикриените напади за, како што вели тој, „празни литургии“ се неосновани за еден така „голем верник“ како него. Бројни православни институции, меѓу кои и Руската православна црква, а и самите претставници од Американско-канадската Епархија на МПЦ, на пример, се приспособија на новонастанатата ситуација со тоа што на своите верници им понудија неконвенционален пристап кон светите тајни, пристап којшто вклучува употреба на модерната технологија, а го исклучува одењето во храмовите и со тоа нивно претворање во потенцијални жаришта на вирусот.
Од сите празнини за кои зборува Јорданов, празна и проѕирна е само неговата намера за политизирање на борбата со коронавирусот, неговата намера за манипулација со верниците и нивно потенцијално изложување на опасности.
Празна е и таа глума на голем верник кој секојдневно ги крши основните десет божји заповеди, особено кога свесно ги лаже своите следбеници.
Мора да е празна и таа глава, штом мисли дека вербата се изразува преку фотосесии и скапо платени патувања во далечни дестинации чие религиозно значење го сведува на општествен статус.
Фолирантството на овој бескрупулозен партиски гаваз не смее сериозно да се сфати, затоа што во спротивно заедницата може истото скапо да го плати.
К. Христов
