ДЕНЕС во 16 часот почнува 85 часовниот полициски час за сите граѓани на територија на целата држава.
НЕКОЛКУ припадници на Армијата во кратко видео ги советуваат граѓаните да се држат до препораките и да одржуваат растојание од 2 метри.
ФРОНТ: Џабир Дерала: Генералот што го нападна Фронтлајн.
АНГЕЛОВСКА-Бежоска: Шокот од пандемијата, годинава ќе се одрази со пад на активноста на сите економии. Но притоа, според очекувањата на ММФ, кај економиите во развој и брзорастечките економии меѓу коишто е и нашата, падот ќе биде помал во споредба со оној кај развиените економии,
ГРАДОНАЧАЛНИКОТ на Општина Бутел, Велимир Смилевски подели 300 хуманитарни пакети со основи прехрамбени производи и средства за лична хигиена на граѓани од социјално ранливите семејства од Бутел.
БОЧВАРСКИ: Капиталниот проект за Штип брана на река Отиња сепак ќе се реализира. Изградбата на вештачката акумулација над градот Штип ќе стартува оваа година, но со намалени средства имајќи ја предвид пандемијата и кратењето на буџетските средства за капиталните инвестиции во Министерството за транспорт и врски.
ЕДНА корисничка и две вработени од Домот за стари лица „Зафир Сајто“ во Куманово се позитивни на коронавирус, соопштија од установата. Резултатите ги потврдил Центарот за јавно здравје Куманово.
ШЕФОТ на Одделот за респираторни вируси при Светската здравствена организација (СЗО) Ричард Пибоди изјави дека по оздравувањето од Ковид-19 кај тоа лице може да се најдат траги од корона вирусот.
САУДИСКА Арабија, која во моментов претседава со Г-20, денеска соопшти дека ќе донира 500 милиони долари за поддршка на глобалната борба против пандемијата на корона вирус и ги повика другите земји и организации да донираат средства.
ПРЕТСЕДАТЕЛОТ на Европската народна партија (ЕПП) Доналд Туск соопшти дека таа политичка групација до крајот на годината, од своите редови ќе ја исклучи партијата Фидес на унгарскиот премиер Виктор Орбан.
ИЗГРАДБАТА на новиот стадион во Гуангжу, кој ќе биде втор по големина фудбалски стадион, официјално започна вчера во Кина. Стадионот е на кинескиот фудбалски шампион Гуангжу Евергранде, а тренер на екипата е Фабио Канаваро.
ПОЗНАТИОТ уличен уметник Банкси се придружи на сите оние кои мораат да се адаптираат на работење од дома заради препораките за самоизолација, носејќи ја уличната уметност дома.
СПОРЕД најновите податоци, во светот со корона вирус досега се заразени вкупно 2.185.298 лица. Од нив починати се 146.928, а оздравеле 553.323 луѓе.
