Министерот Венко Филипче на својот Фејсбук профил ги објави последните промени во статусот со бројката на инфицирани со Ковид-19 кај нас.
Потврдени се нови 36 случаи, од кои 22 во Скопје, 4 во Куманово, по 3 во Прилеп, Струга и Велес, и едно ново заразено лице од Битола.
Со последните 36 позитивни на корона вирус, бројката на досега инфицирани изнесува 1117.
„Во изминатите 24 часа се потврдени 36 нови случаи на Ковид-19. По градови:
– Скопје-22
– Куманово-4
– Прилеп-3
– Струга-3
– Велес-3
– Битола-1
Со ова вкупната бројка на дијагностицирани пациенти со Ковид-19 во нашата земја изнесува 1117.
Денеска се регистрирани вкупно 18 оздравени пациенти. Од Клиниката за инфективни болести и фебрилни состојби си заминаа 11 пациенти, 2 од болницата во Дебар, а регистрирани се и 5 оздравени пациенти (2 од Кочани и 3 од Скопје) кои се лекуваа во домашни услови, а кои по два контролни теста се негативни на корона вирусот.
На Клиниката за инфективни болести и фебрилни состојби починаа две пациентки од Куманово и Крушево на возраст од 85 и 77 години, а денеска во евиденцијата на ИЈЗ е регистриран и еден починат пациент од Лабуништа (Струга) кој имал хируршка интервенција во болницата Филип Втори, а бил ковид позитивен. Пациентот починал пред 3 дена, за што неговиот матичен лекар денеска го информирал Институтот за јавно здравје“ – стои во информативниот статус на министерот Филипче.
