Во месец мај Владата предвидува олеснување на актуелните мерки и тоа на две фази. Првата фаза се очекува да започне од почетокот на мај со кратење на полицискиот час, но под услов граѓаните да носат заштита како маска, шал или марами, како и да ја почитуваат дистанцата од две метри и забраната за групирање, тврдат извори од владата.
Во втората фаза, доколку првата се спроведува успешно, Владата планира да ги отвори индустриските капацитети и рестораните/кафетериите, но на почеток со ограничен капацитет од 20%. За училиштата извршната власт одлучила да не се отварат барем до септември кога почнува новата учебна година. Официјално владините функционери не даваат детали за текот на планот за омекнување на мерките, но најавија дека овој процес ќе почне одма после првомајскиот празник.
„Подготвуваме сериозен план, после првомајските празници да започне процес на враќање на нормала. Тоа нема да биде бргу, ниту веднаш”, најави премиерот Оливер Спасовски.
Но за тоа дали ќе се спроведе горенаведениот план, ќе зависи од однесувањето на граѓаните на Куманово, Тетово и Прилеп.
Во овие три општини со последните мерки од Владата, употребата на маските ќе биде задолжително од 22.4. 2020г. среда. Ако граѓаните на овие три општини ја почитуваат мерката успешно, тогаш истата ќе почне да се спроведе и на сите други општини и реализацијата на планот ќе тече според планираното. За трите градови со најголем процент на заразени од корона вурусот,
Владата не планира да почне со казни од почеток доколку не се почитува мерката за носење на маски. Од Владата брифираат дека првата недела ќе почнат со предупредување, а од втората недела со казни, за што се надеват дека нема да има потреба. Но и во такви случаи казните ќе морат да бидат докажани со слики на затекнати граѓани без маски, или на групи со повеќе од двајца.
А. Зеќири