Задоволни сме од динамиката со која се одвива скринингот во градинките, но и од резултатите. Во изминатите 24 часа се направени 533 тестирања за Ковид-19 од кои 203 во рамките на скринингот во градинките во Скопје и во Велес. Денешните тестови од скринингот се негативни. Од 14 мај, досега, се направени 908 тестирања на вработени во градинките во Битола, Скопје и Велес и сите освен еден резултат се негативни. Во Битола е завршен скринингот и тестирани се 322 вработени меѓу кои е и едниот позитивен случај.
Ова на прес-конференција министерот за здравство Венко Филипче, кој рече дека продолжуваат со скринингот во другите ризик групи, вработените во домовите за стари лица, здравствени работнции, хроничните болни пред интервенција и пациентите кои треба да почнат да примаат биолошка терапија, како и други групи граѓани кои сметаме дека спаѓаат во ризични категории врз основа на бројот на контакти кои го имаат во текот на денот.
Филипче се осврна и на податоците за состојбата со Ковид-19 во државава, при што истакна дека Институтот за јавно здравје денеска регистрира 50 оздравени пациенти и тоа во: Скопје-16, Куманово-10, Прилеп-6, Тетово-15, Велес-1, Крива Паланка-1 и Валандово-1. Во ГОБ „8 Септември“ почина пациент од Скопје (78 г.) примен на 7 мај и пациент од Тетово (77 г.), на болничко лекување од 14 мај. Во изминатите 24 часа направени се 533 тестирања, а регистрирани се 22 нови случаи со Ковид-19 и тоа во: Скопје-8, Штип-2, Прилеп-2, Тетово-3, Струга-1, Велес-4, Свети Николе-1 и Гостивар-1.
Потенцира дека вкупната бројка на Ковид дијагностицирани во земјава од почетокот на епидемијата изнесува 1.839, бројката на оздравени пациенти е 1.351, на починати е 106, а во моментов бројот на активни случаи во земјата изнесува 382.
– На Клиниката за инфективни болести и фербилни во изминативе 24 часа примени се двајца нови пациенти, а хоспитализирани се 43 пациенти од кои двајца пациенти се на механичка вентилација. Во ГОБ „8 Септември“ примени се осум нови пациенти, а хоспитализирани се 21 пациент. На респиратор се четворица пациенти, a со потешка клиничка слика се уште двајца пациенти. На инфективните одделенија во Битола, Штип, Тетово, Велес, Куманово, Охрид и Прилеп се хоспитализирани 62 пациенти позитивни и сомнителни на Ковид-19, додаде Филипче.
