Во повеќе градови во САД деновиве се случуваат низа протести поради полициското насилство и смртта за време на приведувањето на Афроамериканецот Џорџ Лојд.
Новинарот на Си-Ен-Ен, Омар Хименез беше приведен од страна на полицијата за време на преносот во живо од местото на настаните, иако јасно им се идентификуваше на полициските службеници. Екипата на Хименез, вклучително продуцентот и камерманот исто така беа приведени со лисици на рацете.
Новинарот на Си-Ен-Ен, Омар Хименез беше приведен од страна на полицијата за време на преносот во живо од местото на настаните, иако јасно им се идентификуваше на полициските службеници. Екипата на Хименез, вклучително продуцентот и камерманот исто така беа приведени со лисици на рацете.
Камерата на Си-Ен-Ен беше одземена и задржана, но продолжи да го снима апсењето на новинарите бидејќи полициските службеници не беа свесни дека таа се уште е вклучена.
ТУКА можете да го погледнете видеото од апсењето на новинарската екипа.
Американскиот претседател Доналд Трамп на Твитер вчера се обрати со соопштение да се престане со вадализмот во Минеаполис, и го искритикува „демократскиот градоначалник“ да се справи со ситуацијата или „ќе ја повикам војската“, завршувајќи со фразата „кога започнува грабежот, започнува и пукањето“.
Се дозна дека оваа фраза е од историјата на белиот супрематизам во САД, и била употребена од полициски началник за време на судење во Флорида во 1967 година. Фразата тогаш предизвикала гневни реакции од граѓанските активисти.
Поради ова, социјалната мрежа Твитер го сокри твитот на Трамп. Од таму укажаа на „нарушување на правилата на Твитер околу глорификација на насилство“. Твитот на претседателот сега е сокриен, а корисникот може да го види ако кликне на него. Твитот не може да се „лајкува“, споделува, и не може да се коментира или одговара.
Коментар од кабинетот на Трамп за неоснованото апсење на новинарите сè уште нема.
И.Е.
