До редакцијата на Фронтлајн пристигна потврден одговор од МВР за инцидентот во село Куклица. Според МВР, потврдено е дека во инцидентот учествувале 7 полициски службеници и дека истите се лишени од слобода.
„На 02.06.2020 околу 21.00 часот било пријавено во ОВР Кратово дека полициски службеници прават забава во с. Куклица, кратовско, при што не се почитувани мерките за заштита од коронавирусот. Веднаш се преземени мерки и известен е Јавен обвинител, по чии насоки, на местото излегле полициски службеници и на приватен имот во с. Куклица биле затекнати осум лица, од кои седум полициски службеници, кои не биле на должност и кои биле лишени од слобода поради сомнение за сторено кривично дело по член 206 од кривичниот законик. Од страна на Одделот за внатрешна контрола при МВР и инспектори од соодветните организациони единици се работи на расчистување на случајот“ – се вели во одговорот на МВР до Фронтлајн.
И. Е.
