Споделувањето на грешни информации не е дозволиво. Не може да ставаме во изолација и да не доаѓаат на работа здравствените работници сега кога е најпотребно поради тоа што некој не ја кажува вистината, објави на социјалните мрежи министерот за здравство, Венко Филипче.
„Тоа е загрозување на здравствениот систем, на јавното здравје и се разбира на индивидуалното здравје на здравствените работници. Треба да бидеме свесни дека ова е голема работа и голема одговорност носиме“, напиша Филипче.