Министерот за здравство, Венко Филипче, во пост на Фејсбук објави слики од новиот изглед на комплетно реновираниот специјалистичко-консултативен оддел на Институтот за трансфузиона медицина во Скопје.
Одделот добива нов изглед после 50 години. Министерот истакна и дека во рок од 2 и пол години интензивно се работело на значително подобрување на условите во речиси 30 здравствени установи.
После пет децении целосно го реновираме објектот на специјалистичко-консултативниот оддел на Институт за трансфузиона медицина.
Ова е дел од долгорочната стратегија за унапредување на услугите во јавното здравство и подобрување на условите за работа на здравствените работници.
За две и пол години ги подобривме условите во триесетина здравствени установи, а продолжуваме и понатаму да вложуваме во здравството како клучен сегмент. За задоволни пациенти и здравствени работници, напиша министерот Филипче во пост на Фејсбук.
А. Н. С.