Претседателот на СДСМ, Зоран Заев во пост на Фејсбук сподели информација за досегашниот напредок со инвестициите во градинките низ земјата. Тој напомена дека инвестирано е во 44 градинки досега, со што се создаваат поквалитетни услови за сместување на над 3.000 деца од предучилишна возраст.
Заев додаде и дека се обезбедени уште 15 милиони евра од Светска банка за вложување во нови енергетски и инклузивни градинки за згрижување на 7.500 деца, што води до 60% зголемување на капацитетите.
Вложувањето во градинки и училишта е вложување во нашата младина, иднината на нашата татковина.
Во изминатиот период инвестиравме во 44 градинки и објекти за ран детски развој и создадовме услови за квалитетно сместување на 3.000 предучилишни деца.
Дополнителни 15 милиони евра од Светска банка се обезбедени за нови инклузивни и енергетски ефикасни градинки кои ќе значат нови 7.500 места за згрижување на деца во градинки. Тоа значи 60% зголемување на опфатот во предучилишно образование.
Секое дете заслужува шанса за правилен детски развој и заштита, напиша Заев на Фејсбук.
А. Н. С.