Многу е важно да ја проектираме иднината, важно им е на граѓаните што ќе им понудиме, затоа во нашата кампања зборуваме за економијата, за здравството, за образованието. Ќе следува и четвртиот пакет економски мерки за да им помогнеме на граѓаните и на стопанството, рече претседателот на СДСМ, Заев во дуелот со Мицкоски на МРТВ.
Знаат граѓаните што нѐ чека на краток рок, а што во следните четири години. Убеден сум дека ќе имаме големо мнозинство, дека ќе имаме доволен број пратеници за нова политичка влада. Ние имаме голема коалиција. Сакаме да формираме влада без да нѐ условува некоја партија, без да влеземе во процес на уцени, изјави лидерот на СДСМ, Зоран Заев и со тоа најави дека е уверен во целосна победа.
Ваквиот став Заев го аргументираше со успесите и резултатите во овие три години, кои спроед него, се препознаени од граѓаните.
