Говорот на омраза е форма на изразување преку која говорниците имаат намера да осудат, понижат или поттикнат омраза против група или поединец врз основа на раса, религија, сексуален идентитет, боја на кожа, родов идентитет, етничка припадност, инвалидитет или национално потекло.
Говорот на омраза ги тера луѓето да се чувствуваат небезбедни, немоќни, изолирани, исклучени и загрозени.
Уште повеќе, тоа е дехуманизирање, деградирање и го поткопува човечкото достоинство.
Секој има еднакво право да биде третиран со достоинство и почит.
Говорот на омраза може да предизвика подлабоки рани на социјално и лично ниво отколку само да ни ги повреден чувства. Невролошките и социолошките истражувања докажаа дека говорот на омраза води до „дехуманизирачки ефект“ што ја намалува нашата емпатија кон другите луѓе поточно кон луѓето кои се жртви на говорот на омраза. Тој говор ги дехуманизира, го одзема човечкиот елемент од нив, па од таму, емпатијата се намалува.
Нашиот мозок произведува емпатија и најдобро реагираа кога сме сведоци на болката или страдањето на луѓето за кои сметаме дека се на исто ниво како нас. Кога ги дехуманизираме луѓето или ги гледаме како културен „исход“, помалку сме поттикнати од нивното страдање.
Јас и сите ние веруваме дека сите суштества се родени слободни и еднакви и имаат свое достоинство и права. Достоинството се почитува со тоа што признаваме дека секој го има, тоа никогаш не може да се изгуби.
Товарот кој го носи секој од нас како различен од другиот, постои.
Товарот може да го олесни само заедницата, здружено и солидарно.
Никој нема да може самиот да го изоди овој пат, носејќи ги сите вреќи оддеднаш, затоа, секој од нас ја имаа таа обврска да му помогне на секој поединец да ја зачува уникатноста, достоинството, различноста, со тоа што ќе земе дел од неговиот товар, или најмалку што може да направи е да му даде сила и поддршка со зборови и со поттик да продолжи да биде тоа што е.
Против говорот на омраза можеме сите заедно да се избориме, градејќи коалиции со секој и секоја слободумна граѓанка и граѓанин.
Моето искуство покажува дека едно лице, постапувајќи по својата совест и љубов, е во состојба да ја неутрализира омразата. Замислете, тогаш, што може да направи целата заедница, работејќи заедно.
Благодарност до Татјана крнчева за поканата и за присуството на градоначалничката Наташа Петревска и министерот Едмонд Адеми, бројните присутни истакнати соборки и соборци.
Мерсиха Смаиловиќ од денешната трибина во Битола
