„Победа, победа, победа“, вака генералниот секретар на СДСМ, Љупчо Николовски ја започна прес-конференцијата.
Тој кажа дека од вечерва „Можеме“ е победничка коалиција.
Според Николовски, на 75 отсто од обработените податоци, јасно е дека СДСМ и коалицијата победуваат на изборите.
„ВМРО-ДПМНЕ и скапата бела палата ќе треба да си бараат ново раководство. Коалицијата Можеме според податоците на Централниот изборен штаб, во овој момент, во растечки тренд води со два мандати. Трендот е растечки и ги добиваме и новите информации. Ја имам таа чест како шеф на изборниот штаб да прогласам победа на мојот СДСМ и оваа најголема коалиција. После цели 18 години прогласуваме победа на парламентарни избори со сигурно водство. ‘
Во првата изборна единица од 1 со можност на зголемување на бројот на пратеници. Со изедначена битка и со сигурен 10/10. Од третата изборна единица од 1 со можност за зголемување на бројот на пратеници. Со изедначена битка и со сигурен 10/10 во третата изборна единица. И со водство во шестата изборна единица, со тоа што ги очекуваме дополнително резултатите кои се обработуваат.
Имаме сигурна, убедлива победа од граѓаните во Битола со над 1.000 гласа, во Куманово со над 3.500 гласа, во Центар над 4.100 гласа, во мојата Крива Паланка со над 2.500 гласа. Ресен над 1.000 гласа. Крушево, Дебар, Долнени, Лозово, многу други општини во сите изборни единици каде граѓаните јасно ја упатија поддршката. Солидна предност и победа имаме во Прилеп и во Берово. Над 1000 гласа победа во Делчево. Победа во Кочани. И да не ги редиме сите останати општини и градови каде граѓаните го поддржаа концептот на коалицијата. “, рече Николовски.
Според него, резултатот досега е потврда на храбрите одлуки носени од Владата и претседателот на СДСМ, Зоран Заев во изминативе години.