Повеќе од 1,3 милиони лекари ширум светот се заразени со новиот коронавирус, соопшти Светската здравствена организација.
– Досега, околу 10 проценти од сите случаи на Ковид-19 во светот се меѓу медицинските работници, нагласи шефот на СЗО, Тедрос Аданом Гебрејесус, на денешната прес-конференција во Женева.
– Лекарите и медицинските сестри не само што го ставаат во опасност својот живот, туку многу од нив исто така доживуваат физичко и психичко исцрпување од исклучително стресната работа за време на пандемијата, рече Тедрос.
– Сите ние им должиме многу на здравствените работници, додаде тој./МИА/
