Градоначалникот на Загреб Милан Бандиќ, по големото невреме што синоќа го зафати главниот град на Хрватска и предизвика големи проблеми, изјави денеска дека тој направил најмногу од сите градоначалници во последните 100 години кога станува збор за инфраструктурата на хрватската престолнина.
– Пред 13 години, кога беше онаа снежна бура, реков дека ќе го фаќам снегот. За жал, не можам да испијам толку многу дожд, рече Бандиќ.
Тој додаде дека пролетните и летните дождови се нормална појава, но дека не може да се предвидат повеќе од 80 литри на метар квадратен.
Покрај тоа, Бандиќ рече дека Загрепчани, очигледно му се замериле на Бога, бидејќи за кус период ги погоди земјотрес, коронавирус и сега поплава.
Загреб синоќа беше погоден од силна бура, која предизвика поплави во делови на главниот град на Хрватска.
Дождот во Загреб почнал да врне околу 21 часот, што набрзо прерасна во бура, проследена со силен ветер и молњи
Одделни трамвајски линии беа во прекин, голем број улици беа поплавени и поради тоа непроодни, а локалните власти им препорачаа на граѓаните да не се движат со автомобили.
Противпожарните и дежурните служби цела ноќ биле на терен. Тие извршиле над стотина интервенции, а при една од нив почина и пожарникар, кому му се слошило.
Поплавени се и делови од трговски центри, а голем број возила останаа заглавени под подвозниците.
Ј. Ѓ.
