– Исплатата на пензии за месец јули почнува од вторник, 28 јули. Со предвремена и етапна исплата на пензиите, што ја реализираме четврти месец по ред, овозможуваме поголема заштита на пензионерите во услови на опасност од коронавирусот КОВИД-19, известуваат од Министерството за труд и социјална политика.
.
Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:
– Во вторник, на 28.07.2020 година исплата на пензии со висина до 11.000 денари;
– Во среда, на 29.07.2020 година исплата на пензии во висина од 11.001 денари до 14.000 денари;
– Во четврток, на 30.07.2020 година исплата на пензии во висина од 14.001 денари до 18.000 денари;
– Во петок, на 31.07.2020 година исплата на пензии во висина над 18.000 денари.
– Пензионерите кои користат платежна картичка поврзана со сметката на која се префрлува пензијата, со парите можат да располагаат од вторник 28 јули. Тие можат да ја подигнат јулската пензијата на банкомат, да ги користат средствата за плаќање во трговската мрежа или за електронски плаќања.
Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи.“, се вели во соопштението.
Министерството за труд и социјална политика укажува дека пензиите се сигурни на сметките на корисниците, пензискиот систем е стабилен и функционира без проблеми. Апелираме до пензионерите да се придржуваат до распоредот за исплати, затоа што етапната исплата е направена со цел да се намали метежот пред банките и можностите за загрозување на личното и јавното здравје.
Од министерството потсетуваат на обврската за носење лична заштитна опрема којашто ги покрива пределот на носот и устата како и на држење растојание при чекање ред пред и внатре во банките.
