Две нови студии на германски научници укажуваат на тоа дека повеќе од три четвртини од пациентите кои неодамна закрепнале од Ковид-19 развиле долгорочни проблеми со срцето, дури и ако нивната состојба не барала хоспитализација.
Резултатите од магнетната резонанца на срцето извршени на сто опоравени, лекарите ги споредиле со резултатите од ист тест извршен врз стотина лица кои не биле заразени со вирусот. Просечната возраст на испитаниците била 49 години, а две третини од пациентите закрепнале дома.
После нешто повеќе од два месеци, заразените пациенти имаат поголема веројатност да развијат проблеми со срцето во споредба со испитаниците во контролната група.
Се покажа дека огромното мнозинство од пациентите, 78 од нив, имале сериозно оштетување на срцевиот мускул, како што е она што се појавува по срцев удар. /МИА/
