Утре и задутре, во поинаков формат и амбиент, на летната сцена во прилепскиот Центар за култура „Марко Цепенков“ ќе се одржи летно кино со „Неделата на новиот германски филм“.
Традицијата за претставувањето на најновите германски кино-остварувања продолжува, овојпат гледачите ќе уживаат во филмските проекции на отворено со слоганот „Под отворено небо“.
Влезот е слободен, според протоколите за заштита од коронавирусот (задолжително носење маска, мерење температура и дезинфекција на рацете).
На програмата се четири германски филмови, по два на 3 и на 4 септември со почеток од 19,30 и од 21,30 часот. Ќе бидат прикажани филмовите: „UNDINE“ утревечер од 19.30 часот, „BALLON“од 21.30 часот, а в петок на 4 септември се германските филмови „MEIN BLIND DATE MIT DEM LEBEN“од 19,30 и „DIE GOLDFISCHE“ од 21,30 часот.