Растечкиот тренд на заразени во Албанија продолжува, што потврдува бројката од 711 новозразени во последното деноноќие.
-Во изминатите 24 часа направени се 2.574 тестови, а опасниот вирус е дијагностициран кај 711 што е највисока бројка досега. Во исто време закрепнаа 412 додека починаа девет лица во болнички услови, информираше Министертвото за здравство и социјална заштита.
Според министертвото се зголемува и бројот на лицата на кои им неопходно болничко лекување. Моментно во трите ковид болници се хоспитализирани 420 лица.
Досега се направени 163.025 тестови, позитивни се 29.837, закрепале 14.216, починале 646, додека активни на болеста се 14.975 лица.
Албанскиот претседател Илир Мета, поради заестените случаи на заразени со опаснот врус и за жал губењето животи меѓу белите мантили, попладнево побара од Владата финансиски да го подржи здравствениот персонал во ковид болниците, регионалнте центри и семејните лекари за дополнителна обука.
„Зголемувањето на случаите на загуба на животи од редовите на белите мантили, ја прави оваа мерка неопходна. Веќе нема време за чекање, треба да се дејствува“, напиша Мета.
Од 30 јуни кога битката со опасниот вирус ја изгуби Арјан Пуши, познат хематолог, професор на Медицинскиот факултет во Тирана, до сега починати се повеќе од десет здравствени работници, од нив осум лекари. Сите со опасниот вирус се заразиле од контакт со пациенти.
