На паркингот пред зградата на РТС во Белград утрово одекна експлозија, во која едно лице загина, а две се потешко повредени, јави дописникот на МИА од Белград.
На местото на инцидентот веднаш пристигнала екипа на Брза помош и констатирала смрт на работникот Т.Н. (65), додека работникот П.З. (64) е пренесен во Ургентниот центар за реанимација, како и работникот Н.П. (50) кој се здобил со повреди на главата.
Работниците вршеле поправка на системот за климатизација на РТС, а загинатото лице бил вработен во компанијата „Енинг енергетика“.
Од детонацијата неколку автомобили на државната телевизија се уништени, а искршени се и прозорците на делот од зградата на РТС.
