Попладневен преглед: Заев нема да свика лидерска, обвиненија за деветмина за проневера на 9 милиони евра, апел новогодишните празници да се празнуваат разумно, без групирања...

Заев: Имав намера да свикам лидерска, но по објавата на Мицкоски, не гледам повеќе причина за тоа. За што да свикам лидерска средба? Јас не се согласувам воопшто со ова затоа што Владата покажа пример на пријателство и продолжува да гради пријателство, рече Заев.

Заев: Кафаните ќе работат до 18 часот, забрана за секави прослави до 20 јануари. Мерките вклучуваат забрана за работење на угостителските објекти по 18 часот, забрана за организирање на предновогодишни прослави, како и прослави за Нова година, забрана за собири на отворен или затворен простор, верски собири за време на Божиќните празници, и истите ќе траат од 18 овој месец па се до 20 јануари на полноќ.

Караџовски: Не е битно каде ќе славите, важно е да не се групирате. Зборуваме за фамилијарна прослава каде што едно семејство ќе биде присутно во еден објект, дали ќе се вика Берово, Охрид или каде било, на што не можеме да влијаеме, кој каде ќе ја прослави Новата година, дали во Скопје или во Берово. Патувањата не се лимитирани, прославата на Нова година, доколку е одговорна, може да биде каде било во државата, рече Караџовски.

Влада: Еднократната поддршка од 6.000 денари која граѓаните ќе ја добијат можат да ја користат без временски ограничувања. Препораката за искористување на средствата до 25 декември останува со цел до крајот на годината да се инјектираат и ликвидни средства во стопанството за кус период, да се купуваат македонски производи и на тој начин да се дејствува врз раздвижување на економската активност.

Обвиненија за деветмина за проневера на 9 милиони евра, првообвинет е екс директорот на Поштенска банка. Обвинителството поднесе обвинение до Кривичниот суд, со кое ги обвинува ексдиректорот на „Поштенска банка“ Коле Смилевски, гевгелискиот бизнисмен и сопственик на фирмата „Ноел“ Томе Главчев и бизнисменот и ексградоначалник на Кочани, Ратко Димитровски за сторено кривично дело злоупотреба на службена положба и овластување.

Владата нема да се спогодува со тужителите за прислушувањето, ќе бара докажување на случаите низ правна постапка. Маричиќ на прес-конференција соопшти дека Владата го задолжила владиниот агент, до 18 декември, односно во предвидениот рок, да го извести Евроспкиот суд за човекови права во Стразбур за ваквата одлука.

Заев – Филипче: Празнувај одговорно, да го чуваме здравјето додека ја чекаме вакцината против КОВИД-19.

Димитров: Немам и никогаш не сум имал друго државјанство освен македонското. Поттикнат од иницијативата на новинарот Горан Михајловски, јавно соопштувам дека немам и никогаш не сум имал друго државјанство покрај македонското, напиша на Димитров на ФБ.

Захариева го споредува Тито со Хитлер, според неа Софија не го негира јазикот и идентитетот на Македонците. Се согласувам (со вицепремиерот Никола Димитров, н.з.) дека секоја нација има право на самоопределување. Но не се согласувам со тврдењето дека ние им го негираме тоа право. Тоа не е точно, вели таа.

Приказните за диско „Турист“ и кино „Карпош“, низ инсталациите на „Урбани топоними“. Поставени се 2 нови уметничко просторни инсталации во јавен простор насловени како Урбани Топоними – акции наменети за зачувување на спомените на градот, информираат од Центарот за современи уметности Скопје и Општина Центар.

Царовска: Системски го надминуваме прашањето на родовите стереотипи во образованието. Со новата концепција за основно образование која е во завршна фаза, освен што ќе учат за толеранција, мултикултурализам и прифаќање на различните од себе, учениците уште од основно образование ќе стекнуваат знаења за родова еднаквост, истакна министерката за образование и наука Мила Царовска

Богоевски: Уште една лажна вест – До каде (ќе) оди забеганоста на апасиев? п.с. Не мора да укажувам на очигледно националистичката поента на објавата. Ниту на повторното елементарно незнаење на профата со 10,00.

Кузеска: По шест порази од граѓаните Мицкоски никако да ја научи лекцијата.

Постигната согласност за флексибилен и фер пристап кон категоризацијата на тутунот на средба со компаниите откупувачи.

И.Т.З.

Шахпаска: Недела треба да биде неработен ден за доминантниот број на работници, но виталните функции на државата не смеат да се ограничат

Најново

Цаневска: Македонија има највисока стапка на западнонилска треска во Европа – кој ја менаџира кризата во Скопје?

Од празни селски училишта до преполни градски училници: Новата реалност на образованието

ЦИВИЛ бара разрешувања и законска одговорност за величањето на Младиќ: Нема помирување без правда

Исланд го отфрли враќањето на преговорите со ЕУ

НАЈЧИТАНО

Трамп е наш, ние сме трапави!

СДА Македонија: Дали партнерите на ДПСМ во власта ја делат истата глорификација на воените злосторства на Ратко Младиќ?!

До каде се реакциите на ВМРО-ДПМНЕ и ЗНАМ за четничкото дивеење на ДПСМ?

Нешто не е в ред со Вучиќ

Фотографски записи од центарот на Скопје