Министерството за надворешни работи на Бугарија потенцира дека нема да го промени ставот во однос на С.Македонија, со цел да не ги предаде македонските граѓани на број 88.540 кои поседуваат бугарски пасош, пиштва софиски „Труд“.
„Интересот на Бугарија не е да го одложи процесот на пристапување на Република Северна Македонија во ЕУ. Во интерес на Бугарија е конечно да се решат отворените прашања во односите со Република Северна Македонија и успешно да се продолжи со процесот на интеграција на сите земји од Западен Балкан. Ние не добиваме никаква реакција од позицијата што Скопје не принуди да ја заземеме, откако со децении Бугарија ја обезбеди сета можна поддршка за нашите браќа од другата страна на границата“, велат од бугарското МНР.ж
Со одложување на усвојувањето на рамката за преговори, Бугарија навистина го бранеше својот национален интерес и ја бранеше својата национална позиција, велат од таму.
На прашање, кои активности ќе ги преземе Софија во следните 6 месеци под Португалското претседателство за да се најде решение за контроверзните прашања со Република Северна Македонија, од бугарското МНР велат:
„Во претстојниот период, Бугарија ќе продолжи со своите напори да им ги објасни на нашите партнери бугарските проблеми во врска со Република Северна Македонија. Очекуваме реален пристап на солидарност и разбирање од следното претседателство.
Би било неразумно да очекуваме дека бугарската позиција ќе се промени. Оваа позиција е предмет на надпартиски консензус и 84% јавна поддршка. Да не заборавиме колку бугарски граѓани се наследници на бегалци од Вардарска Македонија. Според Министерството за правда, 88.450 граѓани на Република Северна Македонија, исто така, имаат бугарско државјанство. Ниту една бугарска влада не може да ги екстрадира овие луѓе на границата“, велат оттаму.
