Јадете дури и кога не сте гладни? Не можете да се контролирате иако помина само еден час од претходниот оброк? Вие не сте единствените. Одамна е докажано дека стресот и исхраната се тесно поврзани. Кога сме под голем стрес, наоѓаме сигурност, удобност и смиреност во храната. Тогаш не јадеме за да задоволиме физичката, туку емоционалната потреба.
Кесичка чипс или парче чоколадо ќе ни донесе краткорочно задоволство, проследено со каење. Ова создава еден маѓепсан круг – се чувствуваме лошо, потоа јадеме, а потоа се чувствуваме уште полошо.
Прекинувањето на врската помеѓу храната и чувствата е доста предизвикувачко – еве од каде да започнете.
Дајте си време на себе си!
Не бидете премногу строги кон себе. Избегнувајте самокритикување кога нема да успеете да одолеете на искушението. Наместо да јадете уште повеќе од лутина дека сте ја прекршиле вашата одлука, бидете свесни дека никој не е совршен. Дозволете си простор за грешки и не казнувајте се понатаму со каење.
Освестете го моментот
Позанимавајте се со причината за проблемот. Откријте што ве мачи и ве вознемирува. Наместо да ги решавате проблемите со јадење, обидете се да ја пронајдете вистинската причина за тага. Водете дневник и запишувајте кога јадете, што јадете и како се чувствувате во тој момент. Обрнете внимание на ситниците. Дали одите до фрижидерот секој пат кога гледате вести? Можеби е време да го смените каналот. Кога се чувствувате осамено? Разговарајте со член на семејството или телефонски со пријател.
Уживајте во храната.
Уживајте во подготвување и конзумирање оброци. Искористете го празничниот период и периодот додека работите од дома за да ја подготвите вашата омилена храна и сè за што вообичаено немате време. Инвестирајте исто време и внимание во подготвување и јадење храна. Исклучете го телевизорот, оставете го вашиот мобилен телефон и јадете без прекини. Дозволете си навистина да уживате во храната, нејзината текстура, мирис, изглед и вкус. Додека јадете, користете ги сите сетила. Пробајте да се храните здраво и да бидете свој столб за исполнува
Почекајте додека навистина не станете гладни.Наместо веднаш да посегнете по храна, почекајте цревата да почнат да се слушаат и да ги окупирате мислите на друг начин во меѓувреме. Опуштете се со активности во кои уживате. Танцувајте или пејте, шетајте или правете ракотворби, читајте книга, прегрнете го и шетајте го вашето домашно милениче.
