Попладневен преглед: Фетаи бара доживотен затвор за тројца обвинети во „Монструм“, Маричиќ го поздрави донесувањето на Законот за попис, порача граѓаните да бидат спокојни и да им веруваат на институциите...

„Монструм“: Фетаи бара доживотен затвор за тројца обвинети, максимални казни за другите двајца. Станува збор, рече Фетаи. Потенцираше обвинителката, за настан кој можел да предизвика повторен конфликт и да доведе до многу невини жртви и случка која ја засилила омразата помеѓу Македонците и Албанците. Во петкратното убиство на 12 април 2012 година беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски…

Маричиќ го поздрави донесувањето на Законот за попис, порача граѓаните да бидат спокојни и да им веруваат на институциите. После речиси две децении државата конечно ќе спроведе ваква сложена статистичка операција, а резултатот од истиот ќе биде основна алатка за креирање на идните развојни политики. Директна корист од пописот ќе има и бизнис заедницата, наведе Маричиќ на Фејсбук.

Николовски: После 19 години создадени се нормативни услови да се реализира попис. Според него, партизирањето на пописот е штетно и целосно непотребно, бидејќи тоа е статистичка операција, која е неопходна за да се планира развојот на државата.

Шахпаска: Со петтиот пакет мерки ќе бидат опфатени и лицата со попреченост. Имавме пензионери кои се и граѓани со попреченост, или примаат додаток за попреченост или додаток за помош и нега. Дел од другите се приматели на социјална пензија. Дел од нив се приматели на семејна пензија, дел од барателите кои се лица со попреченост пријавено во агенцијата за вработување, истакна Шахпаска.

Заев: Имаме раст на платите во ноември, Владата е посветена на покачување на платите до 34.000 денари во следните четири години.

Во февруари исплата за скенирани фискални во четвртиот квартал од 2020, граѓаните ќе добијат 6,1 милион евра. Во ова последно тримесечје од 2020 година, граѓаните скенирале 67.272.456 фискални сметки, вкупниот промет е 33,398,562,346 денари , а на граѓаните ќе им се вратат околу 382 милиони денари или околу 6,1 милион евра.

Вистиномер: Не постои „спасено шверцувано бебе“, ниту, пак, таква операција на спасување. Објава на Фејсбук на македонски јазик шири невистина за наводна трговија со деца. Објавата е поткрепена со фотографија – монтажа за која веќе има поведено истрага од релевантен факт чекер, при што е утврдена монтажата.

Шилегов: Скoпје се сака со работа, а Дрисла е жив доказ за тоа. Претходната власт криминално ја приватизираше, а ние, после 9 години ја вративме Дрисла во надлежност на Град Скопје. Денес, чекор по чекор ЈП ДРИСЛА СТАНА СОВРЕМЕНА ДЕПОНИЈА и тоа за една година!“, објави на Фејсбук градоначалникот на Скопје, Петре Шилегов.

(ВИДЕО) Запалени три контејнери во Дебар Маало, брза интервенција на пожарникарите. Градот Скопје апелира граѓаните да ја почитуваат поставената урбана опрема на јавните површини и да не ги палат садовите за отпад, за да се овозможи ефикасно подигање на комуналниот отпад и одржување на јавната хигиена.

И.Т.З.

(ВИДЕО)“Дојдете со мене ако сакате да живеете”: Шварценегер прима вакцина

Најново

Џелал Хоџиќ за ЦИВИЛ МЕДИА: Во владата на Мицкоски има министер кој сеќавањето на жртвите од геноцидот во Сребреница го нарече “Некрофилски Дизниленд“

РАЗОТКРИВАЊЕ: Отсуството на логика во блеферските изјави на Мицкоски

Проф. Андонов во ЦИВИЛ Медиа: Владината реконструкција ја разоткрива дволичноста на Мицкоски и застојот на европскиот пат

НАЈЧИТАНО

Канцони, вино и зајдисонце: Незаборавна летна вечер со Павле Камилоски и винаријата „Душа“ во „Инекс Олгица“

Проф. Андонов во ЦИВИЛ Медиа: Владината реконструкција ја разоткрива дволичноста на Мицкоски и застојот на европскиот пат

Држи ги вака рацете, изгледа лидерски

РАЗОТКРИВАЊЕ: Отсуството на логика во блеферските изјави на Мицкоски