Најмногу дожд во изминатото деноноќие наврнал во Маврово, Битола и Охрид, по околу 20 литри на метар кавратен. Во Скопје наврнале седум литри, а најмалку дожд имало во Демир Капија само еден литар.
УХМР информира дека најмногу снег, пак, има на Попова Шапка каде што снежната покривка е 51 сантиметар.
Најстудено утрово е во Маврвово нула степени, а најтопло во Гевгелија и Дојран со осум степени. Во Скопје се измерени два степена.
Во текот на ноќта беше облачно со врнежи од дожд, а утрово врнежите се престанати и преовладува умерено до значително облачно време. Дува слаб ветер претежно од јужен правец.
Денеска ќе биде променливо облачно со сончеви периоди, попладне со слаб локален дожд, на планините на северозапад со слаб снег. Ќе дува слаб до умерен ветер од јужен правец. Максималната температура ќе биде во интервал од 9 до 16 степени.
Во Скопје променливо облачно со сончеви периоди и со слаб ветер од јужен правец.
Максималната температура ќе достигне 13 степени.
