Италијанскиот институт за статистика (Истат) објави податоци за влијанието на пандемијата на Ковид-19 врз економската состојба во земјата, а како што пишува весникот „Ил Кориера дела сера“, многу податоци се „шокантни и алармантни“.
Од февруари минатата година, кога официјално беше прогласена пандемијата на коронавирус во Италија, досега се изгубени 426 илјади работни места.
Луѓето на возраст меѓу 25 и 49 години се најпогодени од губење на работното место, односно најпродуктивниот дел од населението, проследено со луѓе кои имале привремена работа, млади луѓе, меѓу кои невработеноста се искачи на 30 проценти и оние имаат приватни компании.
Според весникот, само во декември минатата година во Италија се изгубени 101 илјади работни места, од кои 99 илјади биле оние каде што работеле жени.
Од овие податоци, весникот заклучува дека во време на криза, последиците најмногу ги плаќаат жените кои побрзо ја губат работата, што повторно се одразува на статусот на семејството, како и на наталитетот.
Анализата на статистиката покажува дека мерките преземени од страна на владата минатата година за ублажување на ефектите од кризата биле само делумно успешни. Една од тие мерки беше „замрзнување“ на отказите, што, како што може да се види од податоците, не ги даде очекуваните резултати. /МИА/
