Секторот за внатрешни работи Струмица до Основното јавно обвинителство Струмица вчера поднесе кривична пријава против Г.С. (26) од Струмица, поради основано сомнение дека сторил кривично дело „злоупотреба на лични податоци“, по член 149 став 1 од Кривичниот законик.
Г.С. се сомничи дека во февруари 2020, без согласност од четири оштетени женски лица на возраст од 24, 25, 26 и 38 години, сите од Струмица, прибавил нивни лични податоци, односно фотографии, кои што оштетените лица ги имале претходно објавено преку нивните профили на социјалната мрежа „Фејсбук“ и ги искористил за да ги објави во албуми креирани од негов кориснички профил на сајтот за возрасни „xHamster“, соопшти денеска МВР.
Од Министерството наведуваат дека четирите оштетени лица за делото дознале во втората половина на јануари 2021 година, кога и го пријавиле во Полициска станица Струмица.
– На 09.02.2021, по претходно преземени оперативни мерки, а врз основа на нареди на Основен суд Струмица, полициски службеници од СВР Струмица извршиле претреси на две локации во Струмица, на кои живее и престојува осомничениот, при што се пронајдени и одземени мобилни телефони, сопственост на осомничениот Г.С., кој е приведен во полициска станица, а обезбеден е и друг доказен материјал од интерес на постапката, се наведува во соопштението на МВР.
