пишува: ЈАНЕ ЃОРЃИОСКИ
Се радувавме како мали деца со Ен на снегот. Во саботата испешачивме 15 километри, во неделата болат нозе, а во понеделник треба снегот да се зачисти. Небаре којзнае колку голема тераса имам за чистење, па уште да го спомнам, ама ајде. Зедов да чистам. Го собрав во еден ќош и се чудев што да му правам. Петти спрат зграда, ни угоре високо ни удолу длабоко. Да не го собирав така можев со една топка да тркалам и да направам Снешко, помислив. Еј, што да не, ќе го соберам на столот, па ќе видиме дали ќе излези нешто.
Чистеше снег и Мицкоски, кутриот три педи не успеа да исчисти, битно го сликаа со лопатата „детето“ од лопатарот. Арно ама, новинари му пуштиле ноќта камери да видат до каде стасал Мицко со чистењето. Што ќе видат. Својата граѓанска должност лидерот на опозицијата ја извршил дотаму до каде што го фатиле на фотката со лопатата. Фолирант!
Она другото грефче Димче што му ја мерка фотељата на фолирантот се жалеше му ја кренале колата со Пајак, оти бил непрописно паркиран. Ќе се жалел на Уставен за паркирањето, вели. Ја знаете приказната понатаму како се поганеше грефчето. Не знам дали сте забележале ама Димче вреска само на работи шо лично него му се случуваат и го засегаат. Ако му ја кренат колата, тогаш поведува иницијатива за слободното паркирање, пред тоа никако да се сети нешто онака за јавно добро да направи. Ова нели дека народен пратеник е егоистот. А за гнасните навреди и говорот на омраза нарекувајќи луѓе: пијандури, гниди, непрокопсан, искажани само во два дена не сакате да слушате, нели? Блазеси ви што уште ви е интересен и што не ве потсеќа на некоја мрачна историска фигура.
МВР пак наместо да ги приберат ваквите како Димче, тие се фатиле за дечкото што направил сајт со смешен и намерно згрешен домејн од кој се пренасoчува на сајтот vakcinacija.mk. Навистика, за што го теретат човекот што (ако добро разбрав) пренасочувал на вистинска страница луѓе што неправилно ќе искуцаат вакцинација.мк? Мене мотивите ми изгледаат типично практични, досетливи, па и во корист на агендата за вакцинација. МВР очигледно повторно праволиниски – развајљуј, без многу размислување – џандарски.
Без размислување (бар така се надевам) и онака абдалски и Арбен Таравари. Го гледам гостува во емисија на нимфомакс и си се тапшаат и се согласуваат со водителот. Не ми се веруваше дека го гледам почитуваниот доктор во тоа дувло. Не го слушав, само за момент го видов, срам ме фати Следно е – Таравари војвода (!) да му скандираат вмровците кога ќе им биде гостин на Конгресот во март?! Во март е во случај ако не испрпа Мицко од своите делегати и не даде да се изјаснат вмровците за тоа кој ќе им биде лидер, оти овој асистентот на татко, очигледно го потрошија. Или можеби во потрага по коалициони парнтнери со политичкиот перископ, докторот го изгубил граѓанскиот статоскопот, па го барал таму во гнездото на лажни вести и монтирани конструкции. Многу погрешно докторе. Но, ајде, да не судиме одма мајку му, згрешил човекот да му дадеме шанса, има време до избори.
Србија ни даде (ни преотстапи) вакцини за да вакцинираме наши македоски граѓани здравствени работници. Таа „една кутија” што ја исмевате ќе вакцинира 4.680 (2.340) здравствени работници изложени секојдневно на ризик. Дали требало помпи и пресови? Ама баш ме брига што решиле тоа да го прават со примопредавање Заев и Вучиќ, па на сред граница, и по снежни виулици. Вакцини ни дадоа кога никој за живи не не рачунаше. Толку. Фала, Србијо! Кога сме кај ЕУ и нивната помош во вакцини сè уште не знам да ме попиздило нешто повеќе од видеото на Урсула од ЕУ по повод почетокот на вакцинацијата на земјите од ЕУ+ Норвешка, Исланд. Она + Норвешка и Иисланд, кои не се членки на ЕУ најмногу ме изнервира, а „вукојебината“ од Западен Балкан не ја ни спомна. Мене уште многу треба да ме разубедувате, ама ако ЕУ решила да прави анти-еу кампања овде – кај нас, ова е патот, Од друга страна што кажува овој гест од Србија? Докажува уште еднаш дека регионалната соработка е највожното нешто на кое треба да се потпрат земјите од „вукојебината“, дури не застанат под ЕУ чадорот, а најверојатно и после тоа. Кога беа поплавите во Србија, први стигнаа од Хрватска, Македонија… Кога беше земјотресот во Албанија, први беа на помош од Србија, Македонија, Косово, Грција.
Добро, кога требаше да отпочнуваме преговори со ЕУ, први не заебаа Бугарите, пред тоа со децении не дупеа Грците, ама ајде сега да не ситничариме.
Снегот ќе се стопи. Од снешко мој ќе останат двата денари за очи, скршената штипка што му ја ставив за нос и уста и капчето со „The liver bird“ – аблемот на мој Ливерпул. За последниве месец-два не ми скоривајте јадови. Ја изгубивме уште отсега битката за титулата во Премиер лига, вели Клопо наш, ама не се предаваме – ние сме Ливерпул.
Ние тука, пак, битката штотуку ја започнавме… по не знам којпат.
