Прекината свадба во село Банско, Струмица. Од МВР известуваат дека на свадбата присуствувале околу 300 гости и покрај мерките за забрана на свадбени веселби и непостапување според здравствените прописи за време на епидемија.
„На 28.02.2021, по претходна пријава, полициски службеници од СВР Струмица извршиле контрола во с.Банско, струмичко, при што било констатирано дека Д.И.(57) и А.И.(54) од с.Банско организирале свадбена веселба на нивниот син Е.И.(26), на која присуствувале околу 300 гости, со што постапило спротивно на член 206 од Кривичниот законик.
Свадбата била прекината, а по целосно документирање на случајот, ќе биде поднесена кривична пријава по член 206 од Кривичниот законик – „непостапување според здравствените прописи за време на епидемија“. За настанот бил известен Јавен обвинител.“, соопштуваат од МВР.
