Претседателот на Владата на Република Северна Македонија Зоран Заев се сретна со претставници на Македонската горанска заедница на Косово, претседателот Авнија Рахте и секретарот/координатор Аце Димовски. На состанокот се поздравени интегративните политики на премиерот Заев и реализацијата на концептот „Едно општество за сите“. Констатирано е дека политиките на пријателство и дијалог на премиерот Заев се пример и силен поттик за соработка и почитување како меѓу граѓаните во државите од регионот, така и за добрососедските односи. Во таа насока е пренесено дека резултатите од политиките на пријателство и грижа се гледаат и граѓаните Горанци тоа го ценат.
Министерот Оливер Спасовски на неговиот фејсбук-прифил наведе дека Министерството за внатрешни работи добило информации од Интерпол дека на профили на социјалната мрежа „Тик Ток“ во Русија и Израел се забележани повици за самоповредување на малолетни лица и упати алеп за внимателно користење на социјалните мрежи.
Претседателот Стево Пендаровски денеска учествуваше на онлајн-дебата на тема „Одлив на мозоци и состојбата со демократијата во Европа“, во организација на Европската младинска мрежа за демократија, а во рамки на активностите на Претседателскиот центар за политичко образование и Меѓународниот републикански институт.
Во фоајето на Кинотеката се изложени 40-тина плакати на филмови од црногорската кинематографија, но и копродукциски проекти – реализирани главно во втората половина на дваесеттиот век, но и од поновиот период. Повеќето од изложените експонати се дел од единствената оригинална колекција на филмскиот режисер Момир Матовиќ, како резултат на неговото децениско трагање по кинотечните архиви, библиотеки, архивите на филмските продуценти и дистрибутери, а некои се откупени од приватни колекционери, соопштија од Кинотеката на Северна Македонија.
Американскиот гигант за онлајн малопродажба, Амазон, денеска во Лондон го отвори својот прв супермаркет надвор од САД, како прв чекор во својот план за глобално ширење со физички продавници. Според компанијата, синџирот подавници во Велика Брианија се нарекува „Амазон фреш“ и ќе користи автоматски каси за наплата без касиери и без чекање на ред.
Вицепремиерот за економски прашања, координација на економските ресори и инвестиции Фатмир Битиќи денеска оствари две одделни средби со претставници на Стопанската комора за фотографска и видео дејност и на Здружението на туристички водичи. На двете средби, како што соопшти Кабинетот на вицепремиерот, се разговарало за актуелните случувања во овие дејности при што од страна на вицепремиерот било посочено дека секој граѓанин е важен и дека во овој кризен период Владата направила сериозни напори за зачувување на работните места во сите дејности.
