Во Ниш и натаму расте бројот на заболени со ковид-19. Од вчера тестираните 679 материјали, според податоци на Домот на здравје, позитивни резултати добиле 242 лица, а Штабот за вонредни ситуации оцени дека „епидемиолошката состојба е вонредна со закана да мине во катастрофална“.
Дека се бележи најостар раст на бројот на новозаболени во Ниш од почетокот на пандемијата, говори и градскиот Штаб за вонредни состојби. Според податоци од таму, пред 10 дена во градот имаше 100 новозаболени, бројка што вчера беше, речиси, 250.
Затоа градскиот Штаб наложи затворање на автопазарот, засилена е работата на комуналната полиција и на комуналните инспектори.
Се повеќе има заразени во Јабланичкиот округ во кој во последните 24 часа се регистрирани 63 лица со позитивни резултати, а 37 од позитивните се од Лесковац.
