По ракетниот напад врз воздушната база Аин ал-Сад во Ирак, каде што се стационирани силите на Ирак, САД и нивните сојузници, американскиот министер за одбрана Лојд Остин денеска изјави дека Пентагон ќе стори се што смета дека е потребно за да ги одбрани своите национални интереси.
Во интервју за Еј-Би-Си, Остин потврди дека Вашингтон побарал од ирачките власти што побрзо да го испитаат нападот и да утврдат кој стои зад него, пренесуваат британските медиуми.
-Ако сметаме дека е потребно ќе извршиме удари врз места и во време што самите ќе го определиме. Се повикуваме на правото да ги заштитиме нашите војници, рече Остин, предупредувајќи го Иран дека ќе мора да извлекува поуки кога и каде ќе дејствуваат САД. /МИА/
