Оваа Влада е транспарентна и отчетна и вчера објавивме нова алатка, со која секој ден ќе имате точна бројка на приходи, расходи, капитални инвестиции и државен долг, соопшти вицепремиерот за економски прашања Фатмир Битиќи во емисијата „24 анализа“ на ТВ24.
По прв пат ние како Влада имаме среднорочна стратегија за развој и среднорочно планирање на буџетот и со двата параметри некаде веќе четвртата година ние би требало да го спуштиме јавниот долг на 56%, 56,7% тоа значи дека во суштина економијата ќе генерира таков раст за да ние бидеме во ситуација да го намалуваме јавниот долг со раст на БДП. Истакна вицепремиерот за економски прашања Фатмир Битиќи во емисијата „24 анализа“ на ТВ24.
Во 2014 година ВМРО-ДПМНЕ секој еден граѓанин се задолжил за некаде 2,500 евра или 500 милиони евра со каматна стапка од околу 4% и сме платиле во овие 7 години 140 милиони евра камата, истакна вицепремиерот за економски прашања Фатмир Битиќи во емисијата „24 анализа“ на ТВ24.
Ако ВМРО-ДПМНЕ го поддржува петиот пакет на економски мерки ќе се откаже од блокадите и ќе дозволи нормална работа на Собранието, на крај на денот тоа е нивна одговорност и нивна работа, а да кажат дека ќе ги поддржат ама нека видат овие другите за кворум во период на здравстевна криза јас тоа не го разбирам, порача вицепремиерот за економски прашања Фатмир Битиќи во емисијата „24 анализа“ на ТВ24.
Европската инвестициска банка (ЕИБ) ќе продолжи да инвестира во општествениот и економски развој на Република Северна Македонија со поддршка на проектите за побрзо закрепнување на економијата од последиците од пандемијата со КОВИД-19 со посебен фокус на малите и средни претпријатија, како и за проекти од Зелената агенда за инвестиции во обновлива енергија, енергетска ефикасност и дигитализацијата како дел од програмата што произлегува од Економскиот инвестициски план за Западен Балкан.
Како што соопшти МНР, во рамки на престојот во Берн, министерот Османи ќе се сретне со бројни здруженија на граѓани и членови на нашата дијаспора од кои ќе побара поддршка за процесот на Попис 2021. За време на престојот во Швајцарија, Османи ќе има средба и со неговиот колега, сојузниот министер за надворешни работи на Швајцарија, Игнацио Касис, со кого, како што се наведува, ќе разговараат за севкупниот развој на односите меѓу двете земји, со посебен фокус на билатералната развојна помош на Швајцарија кон Република Северна Македонија.
Вакцината на АстраЗенека/Оксфорд не е одговорна за згрутчување на крвта, соопшти денеска британскиот регулатор за вакцини. Фил Брајан, шеф за безбедност на вакцини во Агенцијата за регулирање на лекови и здравствени производи, изјави дека организацијата „внимателно ги разгледува“ извештаите за згрутчување на крвта во некои европски земји.
