Социјалдемократскиот сојуз на Македонија е државотворната партија и гарантот за сигурна иднина на нашата современа татковина, напиша на својот фејсбук профил лидерот на оваа партија и премиер Зоран Заев.
СДСМ, посочува Заев, ќе продолжи да биде посветена на креирање и реализација на економски политики кои повторно носат економски раст, нови работни места, уште повисоки плати и развојна македонска економија.
СДСМ победува, но постојано се менува и се подобрува. Јас велам се менуваме, се подобруваме за подобро да им служиме на граѓаните, на државата. Така и ќе продолжиме да работиме и да се движиме по вистинскиот пат. Да ја потврдиме македонската иднина кон која се стремиме, иднина во која приоритетни се граѓаните, економијата, демократијата и државата, напиша Заев.
