пишува: РИБАРО
Професорката и голем патриот со достоинство Билјана Ванковска, кај злобниците позната како една од „тетките достапни и на полноќ во служба на Грујо“, се пофали дека се вакцинирала во Србија со вакцината на АстраЗенека.
Коментарите кои пристигнаа до екипата на АХА, после ова високосолидарно и патриотско достигнување на професорката, се сите до еден позитивни:
– Браво професорке, така се препознаваат правите патриоти и луѓе со став и достоинство.
– Единствена професорке наша! Цела држава се моли за ваше здравје, Вие да ни сте здрава и жива, не се грижете за нас, ќе преживееме некако, се дел од коментарите.
Ванковска за АХА изјави дека е пресреќна што се вакцинирала во Србија и дека тоа го направила за доброто на својот народ и татковината.
Нашиот дописник од Белград јавува дека Вучиќ, воодушевен од Ванковска и нејзиното чувство на припадност и одговорност, ѝ понудил да биде Министерка на ресорот: достоинство етика и морал, во српската влада, на што таа се заблагодарила, но истакнала дека не ѝ се остава македонскиот народ на цедило во овие тешки моменти. Ванковска пред Вучиќ во таа пригода ја рецитирала својата позната реплика која ја изведе на времето пред Груевски „Премиере, ние немаме ништо против вас“, по што следел громогласен аплауз пропратен со овации од кабинетот на српскиот претседател.
Во меѓувреме, во Македонија вакцините само што не пристигнале, се очекуваат секој момент, оваа среда, во вторник, а најверојатно после кинески велигден…
Рубриката АХА! е простор за хумор и сатира. Секоја сличност со реалноста е намерна и не е претерана.
FRONTLINE.MK
