Генералната директорка на Светската трговска организација (СТО) Нгози Оконџо-Ивеала ги повика компаниите кои произведуваат вакцини против коронавирусот да ги направат вакцините достапни за секого или да соработуваат со земјите во развој кога станува збор за производството.
Собранието попладнево ја продолжи 38. седница со две точки на дневниот ред, одложување на пописот што би се одржал од 5 до 30 септември, и измена на Изборниот законик со кој се предвидува употреба на терминали за отчитување на отисок од прсти на локалните избори, што исто така ќе бидат одложени за втората половина на октомври.
Земјотрес со локална магнитуда од 3.2 степени по Рихтер е регистриран попладнево во 15.05 часот со епицентар на 65 километри југозападно од Скопje, во епицентралното подрачје Тетово – Гостивар, соопшти Сеизмолошката опсерваторија при Природно-математичкиот факултет во Скопје.
Како поминува времето, така сфаќаш каков успех си направил. Победивме гигант, светски шампион, земја која има врвни клубови. Ова е голем успех за Македонија. Овој резултат треба да ни биде водилка за понатаму, не смееме тука да застанеме. За овие натпревари се живее. Ретко се добива шанса да се игра против Германија. Во интервјуата што ги давав во последно време нагласувам дека жалосно би било квалитетот и талентот што го поседуваме да не го покажеме на терен. Се надевам дека оваа победа ќе не „држи“ уште многу време, изјави попладнево Ристовски
Групата за процена му предлага на Управувачкиот комитет за координација во Системот за управување со кризи, Владата на Република Северна Македонија да донесе одлука за постоење на кризна состојба на дел од територија на Република Северна Македонија и тоа на подрачјата на јужната и северната граница на Република Северна Македонија и заради заштита на јавното здравје од илегална миграција во услови на постоење на пандемија прогласена од Светската здравствена организација за вирусот „SARS-CoV-2“ и спречување од негово ширење, со кои се загрозува безбедноста, здравјето и имотот на населението, наведува ЦУК.
Владата денеска на седница го задолжи Министерството за здравство, врз основа на одлуката за кризна состојба на дел од територијата на Северна Македонија, да ги ангажира сите свои стручни и други неопходни капацитети за спроведување на масовна вакцинација во Спортскиот центар „Борис Трајковски“
Владината прес-служба соопшти дека инвестицииите се за градежни работи за потребите на Универзитетот „Св. Кирил и Методиј“ Скопје, во износ од 3.300.000 денари, 31.400.000 денари за реконструкција на основни училишта, 2.800.000 денари за реконструкција на средни училишта и 11.200.000 денари за Студентскиот дом -Тетово.
Владата на денешната седница донесе Одлука за постоење кризна состојба на дел од територијата на државата, заради висок ризик од зголемен обем на влез и транзитирање мигранти, како и заради заштита на јавното здравје од илегална миграција во услови на пандемија.
