„Шкода“ ја продолжува кампањата со малку слики за сосема новата „Фабија“, па овојпат го навести внатрешниот изглед. Во споредба со суперминито во заминување, четвртата генерација на субкомпактниот хечбек изгледа сосем поинаку, но во исто време е и многу слична на она што може да се види кај поголемиот модел „Скала“ и кросоверот „Камик“.
Освен заоблените странични вентилациски отвори, ентериерот изгледа прилично познато. Сепак, комплетно дигиталниот кластер е конечно дел од „Фабија“, но ќе биде понуден како опција со дополнителен трошок. Ова значи дека помалку опремените верзии на хечбекот со големина на „Голф Мк4“ ќе имаат стандардни табли, што не е изненадување бидејќи „Шкода“ сега ја продава поголемата и пораскошна „Октавија“, исто така – со аналоген кластер – на некои пазари и во основниот пакет опрема.
Она што е сигурно е дека четвртата генерација на „Фабија“ ќе биде попространа од третата. Ќе биде долга 4,1 метар, широка 1,7 и висока – 1,460 метри. Решетките од внатрешната страна на вратата се хромирани.
Светската премиера на четвртата генерација на „Фабија“ ќе се одржи во мај. Но, само хечбекот. Караванот пак, не се очекува пред 2023 година.
