Пишува: БРАНКО ТРИЧКОВСКИ
Мерло Понти, а и Лакан, сметале дека халуцинацијата е “појава која е врзана за дезинтеграција на стварноста”, при што таа стварност е интегрирана во интенционалноста на субјектот.
Ова ментално растројство е прилично расширено меѓу македонските граѓани, посебно меѓу Македонците. Со одредени дообјаснувања: Македонецот не ја дезинтегрира стварноста затоа што халуцинира туку халуцинира затоа што ја дезинтегрира или му ја дезинтегрраале стварноста. Но, сега, во напреднатата фаза на болеста, процесот е двостран односно халуцинациите ја дезинтегрираат стварноста, а дезинтегрираната стварност му ги засилува халуцинациите во кои тој малку ужива, малку се плаши, но општо земемо не се чувствува лошо затоа што мисли дека стварноста успеал да ја интегрира во себе. Во својата интенција да ја менува и дотерува според себе. Лепота. Фејсбук, контактните и дебатните емисии со радост ги прима како халуциногени дроги.
ВМРО ја разорува стварноста и по линија на својата идејна антимакедонска определба која во новото време се јавува како чиста халуцинација. Како тешка болест. На тие урнатини потоа почнуваат да халуцинираат односно да ја дезинтегрираат стварноста и луѓето кои не се блиски до болниот. Расправата односно конфликтноста е преселена на интерсубјективно ниво без арбитражниот елемент на стварноста надвор од нив. Неа ја нема. Убиена е. Интенцијата на субјектот е се. На тој начин тие се како сателит кој ги загубил сите врски со земјата. Може да падне или да одлута во вселената или да се врти без везе во својата орбита, но тој е мртов.
Спасувачката мисија мора да дојде од Брисел.
И од Вашингтон.
И од Софија, се разбира.
И најмногу од луѓето во Македонија кои на некој чудесен начин се уште ги држат очите отворени, срцата и душите чисти, нормални се, тие се дел од стварноста, не е целата стварност во нив, не се болни и можат на болните да им помогнат. Дури и со по некоја шлаканица со која ќе ги разбудат. Ало вморон:шласссс!!!