„Сите ќе заминеме ако замине претседателот Мицкоски. Немојте да мислите дека ние како не знам кој ешалон ќе останеме. Притоа партијата ќе ни ја презема некакво криминално здружение. Сите оние бомби, криминали, што не демонизираа, не правеја бандити, ни го осудија Никола Груевски за мерцедесот…“ се слуша на аудио снимката која што се појави на Јутјуб и на која се слуша гласот за кој се тврди дека е на Јелена Жугиќ.
Претставникот на САД за Балканот, Метју Палмер изјави денеска дека доследна американска визија за Западен Балкан е онаа која овој регион го гледа посветен на евроинтеграциите и во мир со сите соседи. Се надевам дека тоа не е само визија која ја имаат САД и ЕУ за овој регион, туку е визија и која Западен Балкан ја има сам за себе, истакна Палмер на видео конференцијата „Балкан 2021: Поттикнување на регионалната соработка во постковид ерата“ во Солун.
Во вечерашното издание на емисијата „Само вистина” на Канал 5 телевизија во која гостуваше министерот за здравство д-р Венко Филипче, тој образложи дека смета дека епидемиолошката слика во земјава е добра и нема простор за загрижување кај граѓаните и воедно дека нема ризик за организирање на семејни прослави и културни настани во текот на ова лето.
Министерката за образование и наука Мила Царовска во гостување на Телевизија Тера одговарајќи на прашање на каков начин ќе се одвива наставата со воведувањето на дигиталните учебници во четврто одделение рече дека наставниците и понатаму ќе ја имаат клучната улога во предавањето на материјалот, а дигиталните учебници и други материјали ќе бидат дополнителна алатка за учење.
Новата концепција ќе ја олесни работата на наставниците, бидејќи со него даваме автономија и можност самите да одлучуваат кои се алатки ќе ги користат при наставата. Сигурна сум дека наставниците од сето ова ќе имаат бенефит, бидејќи нивната основна цел е нивните ученици да постигнуваат добри резултати, рече министерката за образование и наука Мила Царовска во гостување на Телевизија Тера.