пишува: РИБАРО
Неколку дена после Парадата на гордоста одржана во Скопје, стотици антигеј корисници на социјалната мрежа Фејсбук, се пожалиле на необични сексуални симптоми.
Имено, тие се жалат дека се заразиле со „хомосексуален вирус“ откако гледале фотографии и видео содржини од Парадата во Скопје пласирани на социјалната мрежа.
Во изјава за АХА, Џон До од Свирипичино, вели дека одма после Парадата добил сексуални нагон кон истиот пол.
Одма после Парадата, се заразив со „хомосексуалниот вирус“, осетив силна возбуда и нежно чешање во пределот на задникот и гениталиите при самиот поглед на маж, вели Џон До.
Тој револтиран од промената на неговата сексуалност за тоа ја обвинува Парадата на гордоста, која го ширела геј вирусот и вели дека ќе бара отштета и од газдата на Фејсбук, Марк Цукенберг.
Организаторите на анти парадата пак одржана во Битола истиот ден, велат дека на слични геј симптоми кај нив се пожалиле стотици други корисници, кои како што велат, биле силувани од сликите и видеата од учесниците на парадата кои на социјалните мрежи споделија фотографии од луѓе што танцуваат, се радуваат на животот и шират пораки на безрезервна љубов. Сучајот го пријавиле во полиција.
Од МВР засега молчат.
Рубриката АХА! е простор за хумор и сатира. Секоја сличност со реалноста е намерна и не е претерана.
FRONTLINE.MK
